Не магу маўчаць!
Віктар Сямашка, вядучы праграмы "Новая зямля" на менскім радыё "Юністар" і адначасова музыка групы інтуітыўнай музыкі "Князь Мышкін" зьдзейсьніў сапраўдны прафесыйны подзьвіг: 9 выпускаў цыклу, прысьвечанага беларускаму біг-біту 60-70 г.г. мінулага стагоддзя, ён выдаў невялічкім накладам на СД у МР3 версіі. Я праслухаў усё, каля 5 гадзін запісу. І магу толькі адзначыць: Віктар зрабіў тое, што можна сьмела называць ПРАЕКТАМ з самая вялікай літары. Мноства інтэрвію з удзельнікамі калектываў тых часоў (у тым ліку Дайнэка, Канавалаў, Угольнік, Кандрусевіч, Ціхановіч, Паплаўская, Старыкаў, Барткевіч -- той самы, Юрый Антонаў -- той самы, Вольга Аліпава, Смольскі -- Мурат, Сьпірыдовіч і г.д.), мноства архіўных фанаграм, прыцягнуў гістарычны матэрыял (хіпі, "Агдам", шэсьце хіпі ў Горадні, разгон стыхійнага бунту моладзі ў Менску ў красавіку 1970 і г.д.). Карацей, адарвацца ад слуханьня было няпроста. Унікальны цыкл, варты самай высокай адзнакі. Трэба ісьці лабіраваць, каб сапраўды адзначылі.
Дыск, дарэчы, сёньня можна набыць у Менску ў будынку Прэзыдыюму АН, ад дзьвярэй -- адразу направа. Таксама ня выключана, што дыск будзе тыражаваны.
Вельмі раю людзям ня толькі зь Беларусі, бо цыкл гэты -- каштоўнейшы гістарычны дакумэнт.
----
Любое торжество, банкет, день рождения украсят собой
Дирижабли Желаний. Красивейшая иллюминация, величаво плывущая в ночном небе принесёт радость вашим близким, сделает торжественным любое официальное мероприятие, скажет любимой или любимому всё, что хочет передать ваше сердце. Дирижабли желаний - зажгите ночь сами!