Тут вось такая даволі цікавая інфармацыя:
"Folk news"
20 сакавіка а 21-ай гадзіне ў праграме "Новая зямля" (Радыё Unistar, Менск – 99,5 FM, Берасьце – 102,3 FM, on-line трансьляцыя –
www.unistar.by):
- "Veitan in an acid childhood" – спадчына Паўночнае Беларусі ў "кіслотных апрацоўках";
- гурт Unia – дэбютны інтэрнэт-сынгал;
- Этна-трыё "Тройца" – два новыя альбомы запар;
- аркестра "Харошкі" – альбом "Лірыка" да гастроляў па Эўропе;
- сямейны дуэт Аляксандра й Канстаньцін – DVD з акустычным канцэртам;
- Зьм. Падбярэзскі й "Князь Мышкін" – сумесная праца паводле паэмы Я. Купалы "На куцьцю" (працоўны матэрыял);
- С. Картэс і "Песьняры" – саўндтрэк да кінастужкі "Раскіданае гняздо", 1982 г. (5 песень).
Пра маю работу з "Князям Мышкіным" скажу, што я толькі начытаў тэкст, далей два музыкі (гітара з апрацоўкамі і духавыя драўляныя) з далучэньнем дуды адвольна імправізавалі. Што з гэтага атрымаецца -- казаць цяжка пакуль, але гэта вельмі незвычайна.
Я ж зьвяртаю ўвагу на апошні пункт праграмы. Аўтар праграмы клярнэтыст "КМ" Віця Сямашка робіць цікавую праграму, а ўчора прэзэнтаваў мне МР3 дыск з запісам 9 праграм пра беларускую біт-музыку канца 60-пачатку 70. Ён правёў вялізарнейшую працу за пошуках фанаграм, запісу інтэрвію, у тым ліку й з Валерам Дайнэкам.
Хто мае магчымасьць -- запішыце песьні для "Раскіданага гнязда". Цікава будзе паслухаць.
